«Мүмкіндіктер аймағы» деп аталатын шараның мақсаты – қаладағы жоғары және орта арнаулы оқу орындарының түлектерін, 29 жасқа дейінгі жұмыссыз жастарды жұмысқа орналастыру.
Дәстүр бойынша бос орындар жәрмеңкесінде жұмыс берушілер өздеріне қажетті мамандарды таңдай алады, ал жұмыс іздеушілер кеңес алып, мүмкін армандаған жұмысты таба алады.
Жәрмеңкеге медициналық, техникалық, педагогикалық, жеңіл өнеркәсіп және қызмет көрсету салаларындағы 50-ге жуық мекемеден 9000-ға жуық бос жұмыс орыны ұсынылады.
«Еңбек» мемлекеттік бағдарламасы аясында қала жастарына «әлеуметтік жұмыс орындары», «Жастар тәжірибесі», «Алғашқы жұмыс» бағыттары бойынша да жұмыс орындары ұсынылады. Жоғары оқу орындары мен колледждердің түлектері үшін жастар бағдарламаларынан бөлек, еңбек нарығында сұранысқа ие мамандықтар бойынша кәсіптік оқыту курстары туралы сөз болады.
