Шымкентте 132 гектар аумақта ауыл шаруашылығы өнімдерін терең өңдеуге бағытталған «Бозарық» тамақ өнеркәсібі индустриялық аймағы құрылуда. Қазірдің өзінде облысқа инфрақұрылым тартудың техникалық-экономикалық негіздемесі дайындалып, бюджеттік қаражат қарастырылған.
Индустриалды аймақ екі кезеңде жүзеге асырылады. Бірінші кезең 2022-2023 жылдары, екіншісі 2023-2025 жылдарды қамтиды. Биологиялық қоспалары бар концентратталған жем өндірісі мен сүт өндіру цехын, жеміс-көкөніс өнімдерін қайта өңдеу және консервілеу кәсіпорындарын салуға қазірдің өзінде 6 инвестордан өтінімдер түскен. Жалпы құны 6,7 млрд теңгені құрайды. 600-ден астам жаңа жұмыс орны ашылады.
Жоғарыда аталған қайта өңдеу кәсіпорындары іске қосылғанда сүт өңдеу үлесі 42%, 48%, жеміс-көкөніс өңдеу үлесі 6%, 21% жетеді.
«Қайнар-бұлақ» тұрғын алабында орналасқан индустриялық аймақта тағы 21 жобаны жүзеге асыруға 23 млрд теңге бөлу жоспарлануда.
