Әзірге 8 жылдан бері ауыз судан тапшылық көріп келген Асар-2 шағынаудан тұрғындарының мәселесі шешілді. Үш мыңға жуық абонентті ауыз сумен қамтамасыз ету үшін бюджеттен бір жарым миллиард теңге бөлінді.
Бұрын тұрғындарға аптасына бір рет су берілетін. Қала тұрғындарының айтуынша, бұл жеткіліксіз еді. Осылайша 3 мыңға жуық абонент суды үнемдеп, жетпегенін сатып алуға мәжбүр болды.
Су құбырының ұзындығы шамамен 160 шақырымды құрайды. Үш мыңға жуық абонентті ауыз сумен қамтамасыз ету үшін бюджеттен бір жарым миллиард теңге бөлініпті.
Қазір «Асар-2» шағынауданын толықтай сумен қамтамасыз еттік. Қаржы өткен жылы бюджеттен бөлінген. Қазір барлық көшелерге су тарту жұмыстарын жүргізіп жатыр. Дегенмен, қазір бізде сырттан келетін суды алатын 7 елдімекен және кесте бойынша су алатын 5 ауыл бар. Ағымдағы жылдың соңына дейін суды кесте бойынша алатын екі елдімекен ауыз сумен қамтамасыз етіледі», деді Шымкент қаласының энергетика және инфрақұрылымды дамыту басқармасының «Ауыз су және кәріз» бөлімінің басшысы Дәурен Болғанов.
Шымкент қалалық мәслихатының хатшысы ауыз сумен қамту жоспары 70 пайызға жуық орындалғанын айтады.
«Ауыз су мәселесі ең күрделі мәселелердің біріне айналды. Сондықтан біз оны шешеміз. «Асар-2» шағын ауданында 2800-ге жуық абонент суға қосылған. Бұл сәтті тұрғындар көптен күтті. Жалпы, биыл 5 жылға жоспарланған жұмыстың жартысынан көбін орындадық деп айта аламын», - деп түсіндіреді Шымкент қалалық мәслихатының хатшысы Бахадыр Нарымбетов.
Шенеуліктерге сенсек, биылғы жылдың соңына дейін «Асар-2» жеке электр трансформаторларына тәуелді болмайды. Сондай-ақ шағынауданда орталық кәріз жүйесі тартылады.
