08 қыркүйек, 21:24
Ағымдағы жылдың 6-12 қыркүйек аралығында Шымкент қалалық ІІБ Есірткі қылмысына қарсы күрес басқармасының қызметкерлері қала бойынша «Дәрмек» жедел-профилактикалық іс-шарасын өткізуде.
Іс-шараның негізгі мақсаты – есірткі құралдарының, психотроптық заттар мен прекурсорлардың заңсыз айналымының жолын кесу, олардың контрабандасы мен экспорты, сондай-ақ бақылаудағы заттардың заңсыз айналымы фактілерін анықтау және жолын кесу.
Осы іс-шара аясында химиялық-фармацевтикалық, өндірістік субъектілерде, сондай-ақ жеке кәсіпкерлікте, дәріханалар мен медициналық мекемелерде құрамында есірткі құралдары мен психотроптық заттар бар дәрілік заттардың заңсыз айналымына жол бермеу, жеке кәсіпкерлікпен айналысатын тұлғаларды анықтау қарастырылған.
