Бұл туралы Үкімет отырысында «Атамекен» АЭС басқарма төрағасы Абылай Мырзахметов мәлім етті
Қазақстан Республикасының Премьер-Министрі Асқар Маминнің төрағалығымен өткен Үкімет отырысында еліміздегі санитарлық-эпидемиологиялық жағдай, мемлекеттік сатып алулардағы жергілікті қамтуды дамыту, тұтынушылардың құқықтарын қорғау мәселелері қаралды.
2021 жылдың 9 айында жергілікті қамтудың өсу динамикасы өткен жылдың сәйкес кезеңімен салыстырғанда 51,9%-дан 58,3%-ға дейін 6,4%-ды құрады. Қарапайым заттар экономикасының 7 саласында (машина жасау, фармацевтика, жеңіл, жиһаз, химия және тамақ өнеркәсібі) жергілікті қамтудың жоспарлы көрсеткіштеріне қол жеткізілді.
Қарапайым заттарды үнемдеу бағдарламасын жүзеге асыру және жергілікті қамтуды бақылау үшін барлық өңірлерде тиісті комиссиялар құрылды. «Атамекен» АЭС басқарма төрағасы Абылай Мырзахметов бұл бағытта Алматы, Нұр-Сұлтан және Шымкент қалаларында белсенді жұмыс жүргізіліп жатқанын атап өтті.
Қазақстан Республикасының Премьер-Министрі әкімдіктерге өңірлік бизнес өкілдерін олардың қызметіне барынша тарта отырып, жергілікті қамтуды бақылау жөніндегі өңірлік комиссиялардың жұмысын күшейтуді тапсырды.
