Шымкентте өкпесі 80 пайыз зақымданған науқас жазылып шықты. Ағымдағы жылдың 4 тамызында Шымкент қалалық жұқпалы аурулар орталығына жедел жәрдем қызметі өте ауыр халде қала тұрғыны Татьяна Пакты жеткізді. Әйелдің жағдайы ауыр болғандықтан, дәрігерлер оны бірден жансақтау бөліміне жатқызды.
Науқасқа өкпенің 80 пайызы зақымданды деген диагнозы қойылды. Коронавирус инфекциясының салдары. Ол өздігінен тыныс ала алмайтындықтан, бірден жасанды тыныс алу аппаратына қосылды.
1976 жылы туған қала тұрғынына дәрігерлер хаттама бойынша толық ем жүргізіп, антикоагулянттық және антибактериалды терапияға көмек көрсетті. Бір айдан астам уақыт жан сақтау бөлімінде емделген науқастың жағдайы жақсарған соң дәрігерлер оны бөлімшеге ауыстырды. Қазір оның жағдайы тұрақты. Дәрігерлер тыныс алу жиілігінің жақсарғанын айтады. Дәрігерлер екі баланың анасын үйіне шығарды.
