Алаяқ қызметін 600 000 теңгеге бағалаған. Несие сомасы нақтыланбаған.
Абай аудандық ішкі істер департементінің кезекші бөліміне жергілікті тұрғын алаяқтың құрбаны болғанын айтып шағымданған. Оның айтуынша, белгісіз ер адам өзін банк қызметкерімін деп таныстырып, несиені жабуға көмектесетініне сендіріпті. Осы ісі үшін ол жәбірленушіден 600 000 теңге алған. Осыдан кейін ер адам жоғалып кетті.
Бұл дерек Абай ауданы ішкі істер департаментінде Қылмыстық кодекстің 190-бабы «Алаяқтық» бойынша тіркелді. Осыған байланысты полиция бөлімінде тәжірибелі қызметкерлерден тұратын тергеу-жедел тобы құрылды. Полицейлер күдіктіні анықтап, тергеу бөліміне жеткізді. Ол бұрын банк қызметкері болып жұмыс істеген жергілікті тұрғын болып шықты. Белгілі болғандай, ұсталған азамат алған ақшаны өз қажетіне жұмсаған. Қазіргі уақытта сотқа дейінгі тергеу амалдары жүргізілуде. Тәртіп сақшылары алаяқтың басқа да қылмыстарға қатыстылығын анықтауда.
