30 тамыз, 19:00
1 қыркүйекте Шымкентте алғашқы қоңырау соғылып, мектептер оқушыларға лық толы болады.
Жаңа оқу жылына алдын ала дайындала бастады - қалалық білім беру мекемелеріне дезинфекциялауға арналған құрылғылар - кварц шамдары, санитарлық тазартқыштар мен термометрлер сатып алынды. Бірақ мектеп оқушыларының ата-аналары рециркуляторлар қайда деген сұрақ қойды.
Олардың әр мектепте болуы керектігі еліміздің бас санитарлық дәрігерінің 36-шы қаулысында жазылған. Дәрігер мектеп асханаларында ауаны дезинфекциялау үшін рециркуляторларды орнатуды ұйғарды. Бірақ әзірге белгілі болғандай, олар қала мектептерінде жоқ. Санитарлық дәрігерлер ауа тазартатын құрылғылардың әлі сатып алынбағанын түсіндірді. Бұл процесс уақытты талап етеді, Демек, оқу орындары әзірге рециркулятор болмағаны үшін жазаланбайды. Оның үстіне, оларды орнату шарттары қаулыда көрсетілмеген. Санитариялық дәрігерлердің айтуынша, Шымкенттегі 203 мектептің барлығы да оқушыларды қабылдауға дайын.
