Шымкенттегі Қажымұқан орталық стадионында өткен жемалыста ауыл шаруашылығы және ветеринария бөлімінің ұйымдастыруымен жәрмеңке өтті.
Басты мақсат – әлеуметтік маңызы бар азық-түлік тауарларының бағасын тұрақтандыру, халықты бәсекеге қабілетті бағадағы қолжетімді азық-түлікпен қамтамасыз ету және делдалдық қызметті шектеу.
Жалпы, жәрмеңкеге қаланың 200-ден астам кәсіпкері мен Түркістан облысының 50-ден астам тауар өндірушіcі қатысып, қала тұрғындарына нарықтағыдан 10-15 пайызға арзан бағада сапалы азық-түлік өнімдерін ұсынды.
Түркістан облысының Түлкібас, Төлеби, Отырар, Қазығұрт, Сарыағаш, Ордабасы, Бәйдібек, Шардара аудандарының жеке кәсіпкерлері жәрмеңкеге 6 тонна ет, 3 тонна сүт, 15 тонна картоп, 7 тонна жеміс, 4 тонна қызанақ, 2 тонна қияр және жеміс шырындарын әкеліпті.
Айта кету керек, жәрмеңке кезінде карантиндік талаптар қатаң сақталып, дезинфекциялық туннельдер қойылды, төтенше жағдайлар қызметі тартылды.
