Шымкентте «Ел тірегі – Елбасы» – еліміздің Тұңғыш Президентіне арналған концерт өтті

30 қараша, 10:09

Шымкентте Қазақстан Республикасының Тұңғыш Президенті күніне арналған «Ел тірегі – Елбасы» атты салтанатты шара өтті. Мерекелік концерттің басында еліміздің әнұраны орындалып, Елбасы туралы деректі фильмнің көрсетіліміне ұласты.

Барша қала тұрғындарын 1 желтоқсан – Қазақстанның Тұңғыш Президенті күнімен құттықтаған қала әкімі Мұрат Әйтенов бұл мерекенің маңыздылығын атап өтті.

Сондай-ақ шара барысында қала басшысы әр салада ерекше көзге түскен бірқатар азаматтарды алғыс хаттармен марапаттады. Мерекелік концертте қазақстандық эстрада жұлдыздары Роза Рымбаева, Мәдина Сәдуақасова, Ерке Есмахан, Жұбаныш Жексенұлы, Жанболат пен Жазира өнер көрсетіп, маңызды мерекенің сәнін кіргізді. Сондай-ақ, көрермен назарына «Елбасы жолы» фильмінен кадрлар, студенттік жылдардағы бейнематериалдар, елорданың қалыптасу кезеңдері мен тәуелсіздік жылдарындағы жеткен жетістіктері ұсынылды.