Шымкентте жұмысқа орналастыруды уәде еткен алаяқ ұсталды. Ол өз қызметін 500 000 теңгеге бағалаған. Бірақ ақшаны алып, ізін суытқан
Абай аудандық ішкі істер бөліміне жергілікті тұрғын жүгінген. Ол тамыз айында оның танысы жұмысқа орналасуға көмектесемін деп уәде бергенін айтты. «Көмекші» өз қызметін жарты миллион теңгеге бағалаған. Ал қажетті соманы алғаннан кейін уәдені ұмытып, ізін суытқан. Хабарласуды және қоңырауларға жауап бермеген. Ал жұмысқа орналастыру мәселесі шешілмегендіктен, жәбірленуші полицияға жүгініпті. Жедел-іздестіру шараларының нәтижесінде ер адам ұсталды.Алаяқтық (190. 1 бөлігі) бойынша сотқа дейінгі тергеу басталды.
Күдікті ешқайда кетпеу туралы қолхат берілді.
