2021 жылдың 28 тамызында Шымкент қаласының тұрғыны «102» нөміріне хабарласады. Ол өз арызында бейтаныс әйел мемлекеттік бағдарлама бойынша баспана алуға көмектесемін деп алаяқтық жолмен одан 1 500 000 теңгесін алып кеткенін жазыпты.
Жедел-іздестіру іс-шаралары барысында Әл-Фараби аудандық полиция бөлімінің криминалдық полиция қызметкерлері Шымкент қаласының тұрғынын анықтап, ұстады. Оның басқа да осыған ұқсас қылмыстарға қатыстылығы анықталуда. Тексеру жүріп жатыр. Өз кезегінде Шымкент полицейлері тұрғындарды бейтаныс азаматтарға сеніп, ақша бермеуге шақырады.
