Алматыда үш баласымен терезеден секіріп кеткен әйелдің күйеуі Нұрсұлтан Оразов отбасылық жағдайы туралы мәлім етті, деп хабарлайды informburo.kz .
"Біз бақытты өмір сүрдік. Бірақ жұмыссыз едік. Әйелім үйде бала күтімімен мен базарда қара жұмысшы болып жұмыс істедім. Қазір еш жерде жұмыс істемеймін. Ол кезде үйде емес едім. Әйелім ештеңе айтқан жоқ. Біздің Алматыда тұрып жатқанымызға алты жыл болды. Отбасында бәрі жақсы еді», - деді ер адам.
Нұрсұлтан Оразов жұбайы мен балалары ертең, 24 қарашада Шымкентте жерленетінін айтты.
"Үй жалдап тұрдық. Жалақым аз еді. Ата-анамыз да жұмыссыз, үйде, олар Шымкентте тұрады. Әйелім әлеуметтік көмек сұраған. Бірақ, қайда барса да кері жауап алғанын айтты. Үш баламыз бар еді, кенжеміз екі жасқа толуы керек еді. Үлкеніміз алты жаста, ортаншы қызы бес жаста. Мен өзім қазір өмір сүргім келмейді», - деп мойындады ол.
Айта кетейік, 22 қарашада Алматыда 28 жастағы келіншек үш баласымен тоғызыншы қабаттан секіріп кеткен. Олардың барлығы қайтыс болды. Полицейлер суицидке отбасындағы кикілжің себеп болғанын айтты. Әйел өз-өзіне қол жұмсау туралы хат қалдырған екен.
"Бұл өмірде бізге берілген сынақтан өте алмадық. Бұл өмірден шаршадық. Ешкімді кінәламаймыз. Одан әрі өмір сүрудің қажеті жоқ, бізді кешіріңіз. Кінәлілер өздері біледі", - делінген хатта.
