Шымкент қаласының әкімі Мұрат Әйтенов қалалық мәслихаттың кезекті он бірінші сессиясында өзіне жүктелген міндеттер мен функциялардың орындалу барысы туралы депутаттар алдында есеп берді. Қала басшысы депутаттық корпус өкілдерін келе жатқан мемлекеттік мерекелерімен құттықтап, бүгінгі табыстарымыздың негізінде Тәуелсіздік құндылықтары мен Тұңғыш Президент жүргізіп отырған дана саясат жатқанын атап өтті.
Үстіміздегі жылдың 10 айында атқарылған жұмыстарды баяндаған қала басшысы барлық салада оң даму қарқыны сақталғанын атап өтті.
«Өнеркәсіп өндірісінің индексі 6,7%-ға, ауыл шаруашылығы – 1,2%-ға, инвестиция – 41,2%-ға, құрылыс жұмыстары – 11,8%-ға, пайдалануға берілген тұрғын үй көлемі – 23,7%-ға, бөлшек сауда – 9,6%-ға өсті. статистика бойынша қала өмірі үшін атқарылып жатқан жұмыстар, халықтың өмір сүру сапасын арттыруға бағытталған ауқымды жобалар бар.Ол үшін қаланы дамытудың бесжылдық жоспары қабылданып, жүйелі түрде жүзеге асырылуда, – деді әкім.
Қаланың индустриалды аймақтары өнеркәсіп саласының дамуына серпін берді. Қазір төрт өндірістік аймақта 8 мыңнан астам жұмыс орны бар 118 кәсіпорын ашылды. Есепті кезеңде 500-ден астам жұмыс орны бар 10 жаңа кәсіпорын іске қосылды. Сонымен қатар, қосымша 2 индустриялық аймақ ашу жұмыстары басталды. Нәтижесінде алдағы 5 жылда өнеркәсіп өнім көлемін 700 млрд 960 млн теңгеге дейін ұлғайтады.
Ауыл шаруашылығына келсек, 29 мың гектардан 85 мың тонна өнім жиналды. Шаруаларды қолдау мақсатында 133 кәсіпкерге 2,6 млрд теңге субсидия берілді. Бұл ретте 7,6 млрд теңгеге 17 жоба жүзеге асырылып, 200-ден астам жұмыс орны ашылды.
Қалаға тартылған инвестиция көлемі өткен жылдың сәйкес кезеңімен салыстырғанда 41,2 пайызға артып, 325 миллиард теңгені құрады.
Мегаполис мәртебесін алған сәттен бастап қала бюджетінің көлемі 4 есеге артты. Биылғы жылдың басында бекітілген бюджет 388 млрд теңге болса, қазір 491 млрд жылдағы қала бюджеті 103 млрд теңгеге жетті. Бұл ретте бюджеттің 45 пайызы әлеуметтік салаға, 25 пайызы даму жобаларына бағытталған.
Бұл көрсеткіштерден бөлек, қалада білім, денсаулық сақтау, спорт, мәдениет, жұмыспен қамту сияқты басқа салаларда да жетістіктер бар.
Өз кезегінде халық өкілдері атқарылған жұмыстарға оң бағасын беріп, алға қойылған міндеттерді бірлесіп жүзеге асыруға дайын екендіктерін жеткізді.
