Бұл туралы ол Instagram парақшасында бөлісті, деп хабарлайды Elitar.kz.
Белгілі қазақстандық режиссер Қанат Бейсекеевке Шымкенттегі эвакуациялық орталықта сәрсенбіге қараған түні шабуыл жасалған.
"Біз тек өз жұмысымызды
жасаймыз, олар болса біздің камераларымызға
жармасып жатыр. Мен бұл жерде адамдарға
көмектесудемін. Ал олар болса өз жұмысымды
жасағаным үшін мені тепкіледі", - деді
Бейсекеев видеожолдауда.
Танымал документалист-режиссер Қанат Бейсекеевтың айтуынша, эвакуациялық орталықта арыстықтар өзара жанжалдасып қалған. Ол мұны видеоға түсірген. Бұған ашуланған бір топ адам режиссерге тап берген. Режиссердің камерасы ішінара бүлінген. Бейсекеевтың видеода айтқан шағымына сенсек, оған шабуыл жасағандардың ішінде арыстықтар мен волонтерлар бар.
"Мен ешкімге арыз жазғым келмейді. Тек үйіме қайтсам болды",-дейді ол.
