Ауруханаларда Арыс қаласындағы жарылыстардан зардап шеккен 50 адам қалып отыр. Бұл туралы Денсаулық сақтау министрі Елжан Біртанов хабарлады.
Төрт ауыр науқас Нұр-Сұлтан мен Алматы ауруханаларына ауыстырылды.
"Медициналық
көмек штаттық тәртіпте көрсетіледі,
барлық қажетті дәрі — дәрмектер бар",
- деп атап өтті Біртанов.
Арыс тұрғындарына медициналық көмек көрсету үшін 17 жедел медициналық жәрдем бригадасы, төрт жылжымалы медициналық кешен жұмыс істейді, сондай-ақ халықтың санэпидемиологиялық жағдайын қамтамасыз ету үшін Ұлттық сараптама орталығынан 18 маманы, 2 жылжымалы зертхана жұмыс істейді.
