Елжан Біртанов Арыс қаласына сапарында акушер Нағима Зорумбаеваға марапат табыс етті, деп хабарлайды Elitar.kz.
Facebook-те ҚР Денсаулық сақтау министрлігінің баспасөз қызметі хабарлағандай, Елжан Біртанов Түркістан облысының Арыс қаласына барды. Онда ол Нағима Зоримбаевамен кездесіп, оған кәсібилігі мен көрсеткен батылдығы үшін алғыс хат табыс етті.
"Әріптесімізге оның кәсібилігі
үшін алғыс білдіремін. Арыстағы әскери
бөлімде болған өрт кезінде ұшып жатқан снарядтардың қаупіне қарамастан, ол өз міндеттерін
орындап, ана мен баланың өмірін сақтап
қалды", — деді ведомство басшысы.
Нағима
Зоримбаева 1990 жылдан бері Арыс аудандық
орталық ауруханасының перзентхана
бөлімінде жұмыс істейді.
