Арысқа арнайы барған бір топ сенаторлар қаланың, халықтың хал-ахуалымен танысты, деп хабарлайды Арыс қалалық әкімдігінің баспасөз қызметіне сілтеме жасай отырып Elitar.kz.
Сенаторлар Мұхтар Құл-Мұхаммед, Әли Бектаев, Асқар Бейсенбаев, Әлімжан Құртаев алдымен Ордабасы ауданы, Ақжол ауылы, Жамбыл атындағы орта мектепте орналасқан штабқа соғып, жағдайға қанықты. Сенаторлар төтенше жағдай аймағында тынбай жұмыс істеп жүрген азаматтарға алғысын білдірді. Штаб жұмысына жоғары баға берді.
"Қазіргі кезде халықты үрейлендіретін, жалған ақпарат көп тарауда. Осы орайда, журналистер қауымынан шынайы ақпарат таратуларыңызды сұраймын», деді Мұқтар Құл-Мұхаммед.
Әлі табылмаған балалар бар деген ақпарға сенатор пікір білдірді.
"Балалар
әлі табылмай жатыр екен деген ақпарат
тарауда. Ол жалған. Барлық бала ата
анасымен қауышты. Мал екеш мал да бір
жерге жиналып бір адам бағып жатыр",- деді Сенат депутаты Мұхтар Құл-Мұхаммед.
Ал Асқар Бейсенбаев қайтыс болған азаматтардың отбасына, ағайындарына көңіл айтып, штаб жұмысының жүйелі жүргізіліп жатқанын атап өтті.
