"Қала тұрғындарын қалаға жеткізу үшін автобустар да дайын",-деді Ақмешітте наразылық білдірушілермен кездесуге келген Өмірзақ Шөкеев.
Бүгін Ақмешітте болған наразылықтар кезінде халық Түркістан облысының әкімі келуін талап етті. Өңір басшысы ҚР Еңбек және халықты әлеуметтік қорғау министрі Бердібек Сапарбаевпен бірге келді.
Тынышталған адамдарға Өмірзақ
Естайұлы қаланы қалпына келтіру
жұмыстары бойынша атқарылатын жұмыстармен
бөлісті.
"Біз қаланы 17 секторға
бөлдік. Көшелерден барлық снарядтарды
алып тастадық, бірақ олар аулаларда
және үйлерде жату қаупі бар. Біз үйге
кіріп, снарядтарды залалсыздандыруға
келісім бересіздер ме?",-деді.
Халық
келісім беретіндерін айтты. Осы уақытта
Өмірзақ Шөкеевке телефон соғып, микрофонды
Бердібек Сапарбаев алды.
"Мен
қазір Арыс қаласына барамын. Көшелерді
аралап, қауіпсіздігіне көз жеткіземін...",
- деп бастаған болатын ол. Бірақ микрофонды
телефонмен сөйлесіп болған Өмірзақ
Шөкеев алды:
"Менің сіздерге жақсы
жаңалығым бар. Мен қазір ғана
Премьер-министрмен және Қорғаныс
министрімен келіссөздер жүргіздім.
Ертең таңертең қала ашылады. Таңғы сағат
6-дан бастап Арыс қаласына жеткізу үшін
автобустар тұратын болады. Бірақ, сіздердің әрқайсыңызға қалада өзін
қалай ұстау керектігі туралы жаднама
беріледі. Егер сіз қандай да бір оғаш
заттарды байқасаңыз, 102-ге қоңырау
шалыңыз", - деді ол.
"Ал біздің
малымыз ше, оны бізге кім қайтарады?!" -деп айғайлады топтан біреу.
"Біз
барлық малды бір ортақ қораға айдап
жинадық, бирка немесе таңбасы және
растайтын құжаттар болса, оны алып
кетесіз", - деп жауап берді Шөкеев.
"Егер
жоқ болса ше?!"
"Егер жоқ болса,
бұл алаяқтық тудырады. Сондықтан кез
келген адам келіп, мынау менің малым
деуі мүмкін".
Осыдан кейін Шөкеев
пен Сапарбаев топпен машинаға өтті.
Олардың жолын бөгетуге тырысқан адамдар
болды, бірақ олардың әрекеттері сәтсіз
аяқталды. Бір әйел машинаның корпусына
жүгіріп барып бір ұрды да: «Оларға сенуге
болмайды, алдайды» деді. Ер адам оның
сөзін қостай кетті. Осылайша топтағылар
«бізді тыныштандыру үшін айтты, сенбейміз»
деп наразылығын жеткізді.
