ОҚО-да қос азамат полицейлерді соқы жығып, "погондарын" жұлып алған
ОҚО-да қос азамат полицейлерді соқы жығып, "погондарын" жұлып алған
Оқиға Ордабасы ауданында орын алған, деп хабарлайды Eitar.kz.
Ағымдағы жылдың ақпан айында Ордабасыда жедел профилактикалық іс-шарасы барысында кафелердің бірінің жанында тәртіп сақшылары бірнеше азаматтардан заңға сәйкес құжаттарын көрсетуді талап еткен. Алайда олардың құжаттары болмаған. Кейін белгілі болғандай олар Өзбекстан азаматтары екені анықталған.
ОҚО ІІД баспасөз қызметі хабарлаған мәліметке сәйкес, оқиға орнында кафеден белгісіз екі азамат шығып, бірі полиция қызметкерін соққыға жыға бастайды. Екінші полицей оларды ажыратпақ болған кезде, оны да ұрып-соғып, халықтың алдында погонын жыртып, билік өкілдерін қорлаған. Осы сәтті пайдаланған құжаты жоқ өзбекстандық азаматтар сол жерден бой тасалап, қашып кетеді. Ал, полиция қызметкерлерін соққыға жыққан жергілікті жердің екі тұрғыны ұсталып, қамауға алынды. Оларға қатысты «билік өкілін қорлау» және «билік өкіліне қатысты күш қолдану» баптары бойынша іс қозғалды. Олар соттың санкциясымен қамауға алынып, қазіргі таңда іс сотта қаралып жатыр.
