Ташкенттің бас шыршасында 2 қаңтар күні 24 бала адасып кетті, деп хабарлайды Podrobno.uz.
"2 қаңтар күні Истиклол көшесіндегі Науаи атындағы кітапхананың жанында еліміздің басты жаңа жылдық шыршасы орнатылған және халықтық серуен өтіп, 2-15 жас аралығындағы 24 бала адасып кетті. Бұл туралы полицейлерге жоғалған балалардың туыстары, адасып жүрген балаларды көрген куәгерлер және туыстарын таппай қалған балалардың өздері хабар берген",-деп атап өтті ІІБ-да.
"Құрметті Ташкент тұрғындары мен қонақтары! Жаңа жылдық мереке 8 қаңтарға дейін жалғасады. Елордадағы мерекелік серуенге келуге ниет білдірушілер көп. Өте сақ болыңыздар, балаларды қадағалаңыздар. Оларға мыңдаған адамдардың арасынан адасып кету өте оңай екенін түсіндіріңіз. Бүлдіршіндерді мүмкіндігінше қолынан қатты қысып ұстап жүріңіздер. Және тағы бір ұсыныс: сізде және сіздің балаларыңызда киімнің бір бөлігінде өзгелерден ерекше етіп тұратын детальдің болуын қадағалаңыздар. Ол бәлкім алыстан көзге бірден түсетін шарф не қалпақ болсын. Бастысы, бір-біріңізді алыстан бірден тану мүмкіндігін қарастырыңыздар. Егер бір-біріңізден адасып қалсаңыздар, сабырға келіңіз. Дереу ішкі істер органына хабар бергеніңіз абзал. Олар сізге міндетті түрде көмектеседі", – деп хабарлады құқық қорғау ведомствасынан.
