Қазақстанның бұрынғы Сыртқы істер министрі, бұрынғы Индустрия және инфрақұрылымдық даму министрі Бейбіт Атамқұлов Қазақстанның Өзбекстандағы елшісі болып тағайындалды.
Президенттің Жарлығымен Бейбіт Бәкірұлы Атамқұлов Қазақстан Республикасының Өзбекстан Республикасындағы Төтенше және Өкілетті Елшісі лауазымына тағайындалды.
2015 жылдың тамыз айынан бастап Бейбіт Атамқұлов Оңтүстік Қазақстан облысының әкімі болды. Бір жыл екі айдан кейін Қазақстанның қорғаныс және аэроғарыш өнеркәсібі министрі болып тағайындалды.
Ал өз кезегінде Қазақстан Республикасының Хорватия Республикасындағы Төтенше және Өкілетті Елшісі Алтай Ибрагимұлы Әбибуллаев Қазақстан Республикасының Босния және Герцеговинадағы, Черногориядағы Төтенше және Өкілетті Елшісі қызметін қоса атқарушы болып тағайындалды.
