21 желтоқсан, 17:50
Венгрии президенті Янош Адер бейсенбі күні еңбек заңдылығының таласқа толы реформасына қол қойды. Премьер-министр Виктор Орбанның сенімді серіктесі Адер жаңа заң «жұмысшылардың құқығын шектемейді» деп мәлімдеді, деп жазады euronews.
Өткен сенбіде парламент қолдаған еңбек кодексінің реформасы алдымен Будапештте, одан кейін бүкіл елде көпшіліктің қарсылығын тудырды. Жаңа заң жұмыс берушілерге 2019 жылдан бастап қосымша жұмыс сағаттарын жылына 250-ден 400-ге дейін көбейтуге мүмкіндік береді.
Жаппай ереуілдер алғашқы күнінен-ақ парламент ғимараты алдында полициямен теке-тіреске ұласты. Кешегі жексенбіде ең ірі қарсылық акциясы өтіп, оған 10 мыңға жуық адам қатысты. Бір апта ішінде Венгрия полициясы қоғамдық тәртіпті бұзғаны және құқық қорғаушыларға шабуыл жасағаны үшін 50-ден астам адамды тұтқындады. Ереуілшілердің қолынан 14 полиция қызметкері жапа шеккен.
Жұма күні Будапештте тағы бір ірі ереуіл өтуі мүмкін. Таласқа толы реформасы алып тастау талабына енді үкіметтің бұқаралық ақпарат құралдары мен сотқа бақылау жасауына деген қарсылық қосылып отыр.
ФОТО: dw.com
Автор:
Elitar.kz
