Өскемендегі жол-патрульдік полиция қызметкерлері айыппұлды планшет арқылы рәсімдеуге көшті. Олар 100 планшетпен жабдықталған. Бұл сақшылардың уақытын үнемдейтін көрінеді.
«Бұрын бір айыппұлды рәсімдеу үшін кем дегенде 15-20 минут кететін. Ереже бұзған адамның дерекқордағы мәліметтерін кезекшіден білуге тура келетін. Ал қазір планшетке азаматтың ЖСН-нын теріп қалсаңыз, барлық дерек шыға келеді. Егер ереже бұзуші өз айыбын мойындаса, планшеттің бетіне арнайы қаламсаппен қол қояды. Ал сақшы оның қолына айыппұл түбіртегін шығарып береді. Бұрын кезектен түскенде барлық айыппұлдың көшірмесін тапсыру керек болатын. Ал планшет арқылы рәсімделген қаулының бәрі автоматты түрде базаға кіреді. Соның арқасында бір айыппұлға 4-5 минут қана кетеді» - дейді өскемендік полиция департаментіндегілер.
Жыл басынан
бері Шығыс Қазақстан бойынша 23 мың
хаттама электронды форматта рәсімделген.
