"Тақтар ойыны" желіге премьерадан бұрын салынған

15 сәуір, 17:40

"Тақтар ойынының" финалдық маусымның бірінші эпизодының премьерасы 15 сәуірге қараған түні өтті. Жанкүйерлер картинаның шығуын асыға күтті. Белгілі болғандай DirecTV Now стримингтік сервисі серияны жоспарланған уақыттан төрт сағат бұрын шығарған.

Insider-дің айтуынша, DirecTV Now тиесілі AT&T американдық трансұлттық телекоммуникациялық конгломератының өкілі мұны жүйенің қателігі деп түсіндірген.

"Шамасы, жүйе біз сияқты "Тақтар ойынының" шығуымен алаңдаған сияқты. DirecTV Now-дың бірнеше клиенттеріне қателесіп, эпизодқа ерте кіру мүмкіндігін берді. Ақау туралы білгенде, біз оны бірден түзеттік",- деді өкіл.

Дегенмен, серия HBO премьерасына дейін төрт сағат бойы көруге қол жетімді болды. Ресей премьерасы да дұрыс өтпеді. TJournal мәліметтері бойынша, көптеген пайдаланушыларда сайтқа кіру проблемалары туындаған. Компания жоғары жүктемені игере алмаған, және сервис премьерадан кейін 40 минут өткен соң ғана іске қосылған.