Игі іске қатысқан медицина қызметкерлері үшін донор болу жыл сайынғы үрдіске айналған. Қан тапсырған 93 дәрігердің 27-сі тұрақты донор. Адам өмірін сақтайтын ақ халаттылар халықты донор болуға шақырады.
– Қан банкін жасап қойғанымыз түрлі келеңсіздіктердің алдын алады. Қан тапсырған қайырымдылық қана емес, дені сау адам үшін пайдалы да. Біздің ұйымның арасында үнемі қан тапсырып тұратын тұрақты донорлар жетерлік, – дейді Түркістан облысы, Бәйдібек ауданының орталық ауруханасы бас дәрігерінің орынбасары Бексұлтан Рысбеков.
Дүниежүзілік денсаулық сақтау ұйымының мәліметінше, қан тапсыруды әдетке айналдырған адам қан тапсырмайтындардан орташа есеппен 5 жыл артық өмір сүреді.
