100 мыңнан астам жеке тұлға 700 млн теңге өсімпұлдан құтылды. Олар рақымшылыққа ілінген. Бұл туралы ҚР ҚМ Мемлекеттік кірістер комитетіне сілтеме жасай отырып Elitar.kz хабарлайды.
2019 жылдың 5 қыркүйегіндегі жағдай бойынша ағымдағы жылдың басынан бастап 2,9 млрд теңге көлемінде қарыздың негізгі сомасын төлеген 114 849 жеке тұлғалар бойынша 688,3 млн теңге көлемінде өсімпұл есептен шығарылды.
Ведомство мәліметіне сенсек, 1,4 миллионға жуық адам рақымшылыққа ілігіп, 13,9 млрд теңге көлемінде қарыздың негізгі сомасын төлеген жағдайда, 6,3 млрд теңге көлемінде өсімпұл есептен шығарылады.
Айта кетейік, ҚР Премьер-министрінің бірінші орынбасары - Қаржы министрі ағымдағы жылдың 9 шілдесінде бекіткен Жеке тұлғаларға салықтық рақымшылық жасау бойынша Жол картасы жасалып, МКД-да орындалуға ұсынылды. Ал 13-14 тамызда барлық аумақтық департаменттер өсімпұлдарды есептен шығару бойынша комиссия құру туралы бұйрық шығарды.
