Шымкент қалалық білім басқармасы басшысының парамен ұсталған бұрынғы орынбасары ірі мөлшерде айыппұл төлейтін болды. Шымкент қаласы Әл-Фараби аудандық соты осындай шешім шығарды, деп хабарлайды Elitar.kz.
Экс-шенеунік қаржылай қомақты сыйақы алу үстінде құрықталған болатын. Шымкент қалалық білім басқармасы басшысының орынбасары қызметін атқарған ол келісімшарт түзу және тендер өткізу мәселелеріне жауапты болған. Қылмыстық тергеп тексеру кезінде бұрынғы шенеунік прокуратурамен процессуалдық келісімге келген. Өз кінәсін толық мойындаған.
"Сот сотталушыны
жауапты қызметін пайдаланып, мектеп
асханасында қызмет көрсететін кәсіпкерден
"көрсететін қамқорлығына"
1 500 000 теңге алғаны үшін кінәлі деп таныды
"-деп мәлімдеді Әл-Фараби аудандық
соты.
Сот шешімімен
бұрынғы шенеунік бір ай ішінде 45 млн
теңге айыппұл төлейтін боп міндеттелді.
Шымкент қалалық білім басқармасы
басшысының бұрынғы орынбасары сот
залынан босатылды. Дегенмен мемелекеттік
қызметтен өмір бойына шеттетілді.
