Алматы облысы, Іле ауданындағы Ащыбұлақ ауылдық округінің әкіміне жер телімдерін беру кезінде пара алған деген айып тағылған, деп хабарлайды ҚР Сыбайлас жемқорлыққа қарсы іс-қимыл агенттігіне сілтеме жасай отырып Elitar.kz.
«Қазақстан Республикасы Сыбайлас жемқорлыққа қарсы іс - қимыл агенттігінің Алматы облысы бойынша департаменті Іле ауданы, Ащыбұлақ ауылдық округінің әкіміне қатысты сотқа дейінгі тергеуді аяқтады. Ол аудан аумағында орналасқан 4 жер телімін бергені үшін 3,6 млн теңге көлемінде пара алған" делінген ведомство мәліметінде.
Іле аудандық сотының үкімімен экс-әкім 6 жылға бас бостандығынан айырылды. Және де ол өмір бойы мемлекеттік қызметте еңбек ете алмайтын болды.
Айта кетейік, бұрынғы шенеунік жазасын қауіпсіздік деңгейі төмен түзеу мекемесінде өтейтін болады.
