Полицейлер жол апатына қатысты қылмыстық істі тексеруде, деп xабарлайды Elitar.kz.
2018 жылдың 5 қазаны күні түнгі сағат бірлер шамасында Түркістан облысының Шардара ауданы аумағында жол-көлік оқиғасы болды. Оқиға орнына келген полицейлер Шардара-Абай тасжолында «Маз» жүк көлігінің жүргізушісі жолға шыға келген жылқыны соққанын анықтайды. Жүк көлігі бұдан кейін жолдың қарсы бағытына шығып, «Лексус» автокөлігімен соғысады. Соның салдарынан «Лексус» көлігінің жүргізушісі – Алматы қаласының тұрғыны және көліктегі 4 жолаушы – Шардара облысының тұрғыны мен Өзбекстан Республикасының 3 азаматы алған жарақаттарынан оқиға болған жерде мерт болды. «Лексус» көлігінің тағы бір жолаушысы – Өзбекстан азаматы жарақатымен аудандық аурухананың жансақтау бөліміне жеткізілді.
