Павлодарда коронавирустан 57 жастағы тұрғын көз жұмды

08 мамыр, 12:15

Павлодар қаласының 57 жастағы тұрғынынан COVID-19 диагнозы сәуір айының 23-і күні анықталған. Ер адам инфекциялық стационарға жатқызылды.

Келіп түскен кезде ер адамға ауыр түрдегі бронхит диагнозы қойылған, науқастың жағдайы ауырлықтың орташа дәрежесі ретінде бағаланған.

Пациенттің 2 типті қант диабетімен есепте тұрғаны анықталды.

26 сәуірде жағдайы нашарлауына байланысты ер адам жұқпалы госпитальдің реанимациялық бөліміне ауыстырылды.

29 сәуірде ер адамда тыныс алу жетіспеушілігінің өсуі тіркелді, осыған байланысты ол ИВЛ аппаратына қосылды.

2 мамырда пациент жағдайының күрт нашарлауы тіркелді. Кеңес алу үшін елордадан кардиохирург шақыртылған.

Реанимациядан кейінгі кезеңде емделушіде жүрек-тыныс алу және бүйрек жеткіліксіздігі анықталды. Жүргізілген қарқынды терапияға қарамастан, пациенттің жағдайы нашарлай түсті. Реанимациялық іс-шаралар өткізілген. Емдеу ҚР ДСМ диагностикалау және емдеу хаттамасына сәйкес жүргізілді. Алайда 6 мамыр кешкі сағат 20:40-та ер кісі көз жұмды.

Тегтер: Шымкент жаңалықтары