Химия пәнінің мұғалімі оқушыны бірнеше жыл бойы зорлап келген деген күдікке ілініп отыр. Медициналық сараптама қорытындысына сәйкес, қыз баласының расымен де сексуалдық зорлық көргені расталды, деп хабарлайды Орталық Азия жаңалықтар қызметіне сілтеме жасап отырып Elitar.kz.
Бұл оқиға Өзбекстанның Сұрхандария облысы, Алтынсай ауданындағы мектептердің бірінде болған.Оқушының айтуынша, 62 жастағы мұғалім оны 2017 жылдың қыркүйегінен 2019 жылдың наурызына дейін зорлап келген.
"Ағай маған арақ ішкізіп, химиялық зертханаға алып кіріп зорлады. Кейін екі күнде бір не үш күнде бір болып тұрды. Алғаш ол маған 9 класстың басында сексуалдық зорлық көрсетті. Онда олимпиадаға дайындаймын деп мектепте алып қалып, алдап араққа мас қылып зорлады. Кейін бұл жөнінде ешкім білмеуі керек деп ескертіп, болмаса мектептен шығарып жіберемін деп қорқытты", - дейді қыз.
Оқушының анасы қызының зәбір көріп жүргенін байқамаған. Тек қызының қолынан қымбат ұялы телефон және ақша көргенде күдіктене бастапты.
"Мен одан тергеп сұрағанымнан кейін барып, телефонды химия пәні мұғалімі бергенін, оған дейін оны зорлап келгенін айтты", - дейді анасы.
Ол бұл бойынша қызы оқитын мектептің басшылары мен құқық қорғау органдарына шағымданып, сексуалдық зорлық фактісі бойынша медициналық сараптама өткізуді талап еткен.
Сараптама қыздың сексуалдық зорлық болғанын растаған. Дәрігер оқушының жүзден аса жыныстық қатынаста болғанын анықтады.
Жергілікті құқық қорғау органдары оған қызды зорлау фактісі бойынша қылмыстық іс қозғады.
