"Нұрлы жер" бойынша "7-20-25" арқылы пәтерлер еліміздің қай қалаларында қолжетімді?
"Баспана" иоптекалық ұйымының мәліметінше, "Нұрлы жер" арқылы "7-20-25" бағдарламасы бойынша Шымкентте 1282 қолжетімді пәтер берілмек. Үздік үштік көшін Ақтөбе мен Солтүстік Қазақстан облыстары .жалғап тұр. Республика бойынша аталған бағдарлама арқылы 3 355 пәтер кілті табыс етілетін болды.
БАРЛЫҒЫ ҚР бойынша | 3 355 пәтер |
Ақмола облысы | 0 |
Ақтөбе облысы | 605 |
Алматы облысы | 0 |
Атырау облысы | 0 |
ШҚО | 0 |
Жамбыл облысы | 278 |
БҚО | 396 |
Қарағандыоблысы | 0 |
Қостанай облысы | 252 |
Қызылорда облысы | 120 |
Манғыстау облысы | 370 |
Павлодар облысы | 71 |
СҚО | 411 |
Түркістан облысы | 336 |
Шымкент қ. | 1 282 |
Алматы қ. | 0 |
Астана қ. | 0 |
Бұған дейін "Нұрлы жер" бағдарламасы бойынша тұрғын үй әкімдіктер мен тұрғын үй құрылыс жинақ банкінің салымшылары арасында беріліп келген болатын. Іске асыру ережесіне өзгерістер енгізілуіне байланысты жыл басынан бастап "Нұрлы жер" арқылы тұрғын үйге "7-20-25" бағдарламасына қатысушылар да қол жеткізді. Егер нарықта тұрғын үйді сатып алу кезінде "7-20-25" бағдарламасына қатысушылар пәтерлерді құрылыс компанияларының сату бөлімдері арқылы таңдаса, онда мемлекеттік тұрғын үй болған жағдайда пәтерлердің бар-жоғын және сипаттамасын жергілікті әкімдіктерден нақтылау қажет.
"Нұрлы жер" мемлекеттік бағдарламасы аясында негізінен 1, 2, 3 бөлмелі пәтерлер салынады. Әкімдіктер арқылы тұрғын үй сатып алған жағдайда "7-20-25" бағдарламасы бойынша ай сайынғы төлемдердің болжамды есебі төмендегісінше:
Астана, Алматы, Ақтау және Атырау қалаларындағы пәтерлер | Ай сайынғы төлем, тг. (қарыз мерзімі 25жыл болған кезде) |
1-бөлмелі (37 ш.м жоғары) | 37 317 |
2-бөлмелі (50 ш.м жоғары) | 50 888 |
3-бөлмелі (65 ш.м жоғары) | 66 154 |
Қалған өңірлердегі пәтерлер | Ай сайынғы төлем, тг. (қарыз мерзімі 25жыл болған кезде) |
1- бөлмелі (37 ш.м жоғары) | 29 400 |
2- бөлмелі (50 ш.м жоғары) | 39 579 |
3- бөлмелі (65 ш.м жоғары) | 51 453 |
