Қазіргі уақытта қаза болғандардың саны 7 адам екені белгілі болды. ҚР Премьер-министрінің тапсырмасы бойынша вице-премьер бастаған Үкіметтік комиссия құрылды. Комиссия құрамында ҚР Индустрия және инфрақұрылымдық даму министрі және басқа да мемлекеттік органдардың өкілдері бар. Комиссия оқиға орнына ұшып шығады. Оқиғаның егжей-тегжейлі жағдайлары мен себептері анықталатын болады. Оқиға мән-жайын анықтағанға дейін осы үлгідегі ұшақтардың ұшуы уақытша тоқтатылды. Алдын ала мәліметтер бойынша, бортта 95 жолаушы, 5 экипаж мүшесі болған.
