Бұл туралы Ұлттық тестілеу орталығының баспасөз қызметі мәлімдеді, деп хабарлайды Elitar.kz.
«Наурыз айында өткізілетін ҰБТ-ға өтініш қабылдау 154 тест өткізу пунктерінде жүргізілді. Өтініш қабылдау 1-15 ақпан аралығында өтті. Наурыз айындағы сынаққа қатысуға 80042 оқушы ниет білдірді. Оның 62678-і қазақ, 17086-ы орыс, 278-і ағылшын тілінде тапсыратын болады. Ұлттық бірыңғай тестілеу 24-29 наурыз аралығында өткізіледі», - делінген хабарламада.
Айта кетейік, биылғы оқу жылының алғашқы ұлттық бірыңғай тестілеуі үстіміздегі жылдың 18-20 қаңтар күндері өтті. Оған 34 687 талапкер қатысты. Қатысушылардың санатына келсек, 29 789 - 11 (12) сынып оқушылары, 3 268 - шартты түрде түскендер, 2 781 - шығармашылық мамандықтан басқа мамандыққа ауыстырушылар. Тестілеу сынағына 35 838 талапкерден өтініш түсіп, оның 25 615 қазақ тілінде, 10 162 орыс тілінде және 61 ағылшын тілінде тапсырды. Қысқы ҰТБ нәтижесінде 24 012 (69%) түлек белгіленген шекті деңгейден өтті. Өкінішке орай, 10 675 (31%) тиісті 50 балды жинай алған жоқ.
