Абай Сарқұлов Қазақстанның Даму банкі басқармасының төрағасы болып сайланды.
Абай Сарқұлов 1981 жылы туған. Жұбанов атындағы Ақтөбе мемлекеттік университетінің экономика факультетін "Банк ісі" мамандығы бойынша бітірген. Еңбек жолын Ақтөбе қаласындағы "Тұран Әлем Банкі" АҚ филиалында практикант болып бастаған. Алматы мен Астанада коммерциялық банктерде жұмыс істеді. 2007 жылы "Қазақстанның Даму Банкі" АҚ жобаларды кредиттеу департаментінің инфрақұрылымдық жобаларды кредиттеу басқармасының менеджері болып тағайындалды. 2014 жылы басқарушы директор лауазымына ие болды. 2016 жылы ҚДБ төрағасының орынбасары болып тағайындалды. 2017 жылдың ақпан айында ол "Даму "Кәсіпкерлікті дамыту қоры" АҚ-ны басқарды.
