Бұл туралы Шымкент қаласының әкімі Ғабидолла Әбдірахымов өзінің инстаграм парақшасында жазды, деп хабарлайды Elitar.kz.
«Жедел мәлімет бойынша бір адам зардап шеккен, денесінің 98 пайызын күйік шалған, ол азамат Анар Ерлан, нысанның қызметкері. Жағдайы өте қиын. Дәрігірлер оның өмірі үшін күресуде... Бұл оқиғаға қатысты қылмыстық іс қозғалды. Аталған істі жеке бақылауымда ұстаймын»,-деп жазды мегаполис әкімі.
Естеріңізге салайық, бүгін сағат 11:03-те Шымкент қаласы Жібек жолы даңғылында орналасқан газ қоймасы аумағында өрт шыққан. Зерделеу жұмыстарында белгілі болғандай, "Мураз" ЖШС АГЖБ аумағында әрқайсысының сыйымдылығы 200 т.м. екі бос газ цистернасы бар. Бос екі цистернаның біріндегі газ қалдығы жанды, ал екіншісі салқындатылып, өрттен сақталды.
Бұған қоса АГЖБ аумағындағы сыйымдылығы 7 т.м. 2 автоцистерна мен 50 т.м. 2 автоцистерна жарылды. Өрт сөндіру қызметкерлерінің жедел әрекетінің арқасында өрт 12:21-де толық сөндірілді. Оған жалпы 21 арнайы техника мен 90 жеке құрам қызметкері жұмылдырылған.
https://www.instagram.com/p/ByZ5pPHjA2a/?utm_source=ig_web_copy_link
