Жүктілік кезеңінде аборт жасауға тыйым салатын заң (тіпті зорлау немесе инцест болған жағдайда да) сәрсенбі күні Американың Алабама штатында күшіне енді. Тиісті құжатқа қол қойылғаны туралы Twitter-де осы штаттың губернаторы Кей Айви хабарлады.
"Бүгін мен "адам өмірін қорғау туралы" заңды күшіне енгіздім. Өзінің көптеген жақтастары арқылы бұл заң жобасы Алабама халқының әр адамның өмір сүру құндылығына және әрбір өмірді Құдай сыйлайтынына деген терең сенімінің айғағы болып табылады", - деп атап өтті губернатор.
Ол дәл
осындай тыйым осы штатта жүз жылдан
астам уақыт бұрын болғанын
алға тартты.
ТАСС
ақпараттық порталының хабарлауынша,
Алабаманың заң шығару Ассамблеясының
(парламентінің) жоғарғы палатасы сейсенбі
күні кешке алты дауыспен осы заң жобасын
мақұлдады. Парламенттің
төменгі палатасы құжатты
өткен айда үш дауысқа қарсы 74 дауыспен
мақұлдады.
Заң әйелдің жүктілігін
тоқтатуға тәуекел еткен дәрігерлер
үшін қылмыстық жазаны көздейді. Мұндай
акушерлер мен гинекологтар 99 жылға
дейін бас бостандығынан айырылуы мүмкін.
Ассамблея Сенатындағы демократтар
фракциясы құжатқа зорлау мен инцест
құрбандары үшін ерекше жағдай жасайтын
екі түзету енгізді. Алайда дауыс беру
барысында бұл түзетулер заң жобасының
мәтінінен алынып тасталды. Бұл жерде
жалғыз ескерту қалды: босану кезінде
әйелдің өміріне қауіп төнгенде аборт
жасауға рұқсат етілген.
Сәуір айында
аборт жасауға тыйым салатын заң Огайо
штатында күшіне енді. Заңда зорлау
немесе инцест салдарынан болған жүктілік
үшін ерекшеліктер
көзделмеген. Огайоға дейін тағы бес
американдық штаттың парламенттері
осындай тыйымдарды мақұлдады. Алайда
үшеуінде тиісті заң
жобалары соттарда оқшауланып, біреуінде
күшіне енгізу кейінге қалдырылды,
ал бесінші штатта жоба
губернатордың қарауында тұр.
Айта
кетейік, Аборт құқығын шектеу
тақырыбы 2016 жылғы сайлау алдындағы
науқан барысында ең назар
аударарлық мәселе болды. Дональд
Трамп АҚШ президенті лауазымына
кіріскеннен кейін бірден федералды
биліктердің медициналық қызметкерлері
аборт жасайтын немесе олар туралы
ақпарат беретін шетелдік үкіметтік
емес ұйымдарға қаражат бөлуіне тыйым
салудың күшін қалпына келтірген Жарлыққа
қол қойды.
Бұл тыйымды
1985 жылы Рональд Рейган енгізді, содан
кейін тыйым салуды Билл Клинтон (1993
жылы) және Барак Обама (2009 жылы) алып
тастады. Джордж Буш тыйым салу әрекетін
қалпына келтірген болатын.
