"Sanaly urpaq" жобалық кеңсесі студенттер арасында жүргізілген сауалнаманың арқасында Алматының әрбір оныншы студенті сыбайлас жемқорлықпен бетпе-бет келгенін анықтады. Анонимді сауалнамаға 33 жоғары оқу орнынан (Мемлекеттік және жеке) тоғыз мыңнан астам оқушы қатысты.
Сауалнаманы ұйымдастырушыларды таң қалдырғаны, студенттердің 72% - ы сыбайлас жемқорлықпен ешқашан кездеспепті (пара, сыйлықтар, жеке байланыстар). 65% пара арқылы оқумен байланысты мәселелерді шешуге болмайды деп санайды.
Ал кейбір сауалнама
қатысушылары ақша төлеуге
немесе сыйлық сыйлауға
тура келген кейбір адамдар мен оқытушылардың атын атады.
"Студенттер
ЖОО оқытушылары мен қызметкерлерінің атын атады (вахтер, лаборанттар, күзетшілер). Оларды біз айта алмаймыз,
бірақ ақпарат ЖОО басшыларына шешім
қабылдау үшін жіберілді", - деді "Sanaly
urpaq" жобасының жетекшісі Қайыржан Тоқышев.
Мұндай ауқымды сауалнама қалада алғаш рет өтті. Студенттерден алынған мәліметтер бойынша, Алматыда әл-Фараби атындағы Қазақ ұлттық университеті, Қазақ-Неміс университеті, Қазақ Еңбек және әлеуметтік қатынастар академиясы, Қазақ жол қатынастары университеті, сондай-ақ Санжар Асфендияров атындағы қазақ ұлттық медицина университетінің сыбайлас жемқорлықтан аулақ екені анықталды. Зерттеу нәтижелерін мамандар осы сауалнамаға қатысқан оқу орындарының басшылығына жіберді.
