Бүлдіршіннің терезеден шығып бара жатқан сәтінің видеосы әлеуметтік желіге тарап кетті. Қапшағай қаласындағы балабақшалардың бірінде болған бұл оқиға көптің жағасын ұстатты.
Баланың бұл әрекетін бірден тәрбиеші байқап, бүлдіршінді құтқаруға ұмтылады. Белгілі болғаны, 4 жастағы бала екінші қабаттағы жатын бөлменің терезесін ашып, бірінші қабаттағы ғимараттың шатырына шығып кеткен. Оқиға таңғы уақытта орын алған. Бүлдіршіннің өміріне ешқандай қауіп төнбеді, аман қалды. Осы жағдайдан соң оның тәрбиешісіне тәртіптік жаза көріліп, қатаң сөгіс берілді.
