Алматыда тоғыз қабатты тұрғын үйде болған өрт кезінде бес адам, оның ішінде екі бала құтқарылды, деп хабарлайды Elitar.kz.
Алматы қаласының Алатау ауданындағы көппәтерлі үйдің алтыншы қабатындағы өрт 20 маусымға қараған түні орын алды.
Төтенше жағдайлар департаментінің мәліметі бойынша, өрт орнына жету үшін құтқару жасағына он минуттан аз уақыт қажет болды. Осы уақытта жалын пәтер асханасына өткен.
"Подъездегі
қатты түтіннің салдарынан үйдің алтыншы
және сегізінші қабаттарындағы тұрғындар
шыға алмай қалды. Жоғарғы қабаттағы
пәтерлерден адамдарды көшіру бойынша
құтқару жұмыстары мен өртті сөндіру
бір уақытта жүргізілді",-деп хабарлады
Алматы қаласы ТЖ департаментінің
баспасөз қызметі.
Нәтижесінде өртке
қарсы қызмет мамандары бес адамды
эвакуациялады, олардың екеуі балалар.
Оларды өрт сөндірушілер көрпеге орап,
дымқыл сүлгімен жауып, қолдарында алып
шыққан.
Өртті толық жоюға бір сағатқа
жуық уақыт қажет болды.
Өрттің шығу
себептері анықталуда. Бір болжам бойынша
өрт үйдің жоғарғы қабаттарының бірінің
балконынан ұқыпсыз тасталған темекі
тұқылына байланысты орын алуы мүмкін.
