Алматыда мектеп терезесінің екінші қабатындағы терезесінен секіріп кеткен бірінші сынып оқушысы ауруханадан шығарылды.
Қалалық қоғамдық денсаулық сақтау басқармасындағылардың айтуынша, оқушы енді амбулаторлық ем қабылдайды.
Естеріңізге салсақ, бұл оқыс оқиға 10 қыркүйек күні Алматыдағы №80 мектепте орын алды. Қазақ тілі пәні біткен соң оқытушы оқушыларды сыныптан шығарып, есікті құлыптап кеткен. Мұғалім балаларды сынып жетекшісіне тапсыруға міндетті болған. Алайда қазақ тілі пәнінің оқытушысы сынып бөлмесінде бір оқушының қалып қойғанын байқамаған. Сыныпта жалғыз өзі қалған 1 сынып оқушысы қорқып, терезеден секірген. Балаға «бас сүйегінің жарақаты, мидың шайқалуы, аяғының төменгі жағының екі жерден сынуы» диагноздары қойылды. Бұл жағдайдан соң Алматы қалалық білім басқармасының басшысы Гүлнәр Қожабергенова баланың ата-анасынан кешірім сұрап, мектеп директорына сөгіс жариялады. Қазақ тілі пәнінің мұғалімі мен сынып жетекшісі де сөгіс алды.
