Алматыда қаланың қақ ортасындағы «Рахат палас» қонақ үйінің қасында атыс болды. Бұл жайтқа қатысты 4 күдікті ұсталды. Айта кетерлігі, атыс кезінің видеосы INSTAGRAM желісінде пайда болды. Бірнеше ер азамат қонақ үй маңында тұрып, кейінірек біреуі оларға оқ ата бастайды.
«Атыс Бостандық ауданында Сәтпаев пен Байзақов көшелерінің қиылысындағы қонақ үйлердің маңында болған. Бұл дерекке байланысты ұсталған 4 күдікті уақытша оқшаулау орнына қамалды. Тергеу амалдары жалғасып жатыр», - деді Алматы қалалық полиция департаментіндегілер.
Абырой болғанда атыс оқиғасынан зардап шеккен адам жоқ.
