Қайғылы жағдай кеше, 12 сәуір күні Медеу ауданында орын алды. Өрт сөндіру қызметіне Сазановская көшесіндегі № 68 үйдің жанып жатқаны жөнінде хабар кешкі сағат 21:08- де келіп түскен. Қалалық ТЖД мәліметінше, өрт сөндіру бөлімі өрт шыққан жерден 1,5 км қашықтықта орналасқан. Өрт 15 минут ішінде сөндірілді. Оны ауыздықтауға 21 өрт сөндіруші мен 4 техника жұмылдырылған.
Құтқарушылар оқиға орнына жетемін дегенше үй отқа оранып үлгерген. Жалынға оранған үйден 1998 жылы туған ер адам және 1989 жылы туған әйел адамды шығарылды. Екеуіне де дәрігерлер шұғыл көмекке келгенімен оларды аман алып қалу мүмкін болмады.
