Алматыда Mazda автокөлігі электр бағанасын қиратып, ағашқа соғылды. Зардап шеккендер бар, деп хабарлайды СТВ телеарнасына сілтеме жасай отырып Elitar.kz.
Жол-көлік оқиғасы Сейфуллин даңғылында Тобаяков көшесіне жетпей орын алған. Куәгерлердің айтуынша, Mazda оңтүстік бағытта даңғыл бойымен жүріп келе жатқан. Жүргізуші рөлді игере алмай, автокөлік жиекке кіріп кеткен. Содан кейін көлік электр беру бағанасын бұзып, ағашқа соғылды.
Апат салдарынан бес адам зардап шекті. Барлық зардап шеккендер түрлі жарақаттармен ауруханаға жеткізілді. Үшеуі ауыр халде. Алғашқы медициналық көмек көрсетілгеннен кейін екеуі үйге жіберілді. Полиция оқиғаның жай-жапсарын анықтауда.
