АҚШ президенттігіне үміткер, миллиардер Майкл Блумберг Американың қазіргі басшысы Дональд Трамптан құтылу үшін барлық ақшасын жұмсауға дайын екенін мәлімдеді. Бұл туралы ол Рейтер агенттігіне берген сұхбатында айтты.
"Басты мақсат - Дональд Трамптан құтылу. Мен Трамптан құтылу үшін соңғы тиыныма дейін жұмсаймын...", - деді Майкл Блумберг.
Айта кетейік, миллиардер Блумберг Трамптың белсенді қарсыластарының бірі болып табылады. Өткен жылдың қарашасында сайлауалды додаға кандидат ретінде қосылған Блумберг телевизиялық жарнамаға 200 миллион доллар жұмсағаны белгілі болды.
АҚШ-та президент сайлауы 2020 жылдың 3 қарашасында өтеді.
