Ақмола облысында коронавирус індетінен бір науқас көз жұмды. Ол 1936 жылы дүниеге келген.
Марқұм болған қарт кісі әлеуметтік қызметтер көрсету орталығының қамқорлығында болған.
5 сәуірден бастап Көкшетау темір жол ауруханасының провизорлық стационарында карантинде жатқан.
9 сәуірде Ақмола облыстық туберкулезге қарсы диспансерге емдеуге жатқызылды. Жағдайы өте ауыр, ИВЛ аппаратында болды.
Диагнозы: ауыр дәрежедегі екі жақты жаппай пневмония, вирустық этиологияның жіті ағымы.
Қосымша аурулары: артериялық гипертензия, жүректің ишемиялық ауруы.
Денсаулық сақтау министрлігінің мәліметінше, елімізде коронавирус салдарынан қайтыс болғандар саны 12-ге жетті. Бүгінгі таңда қауіпті індетті жұқтырғандар 979 адамға жетсе, вирусты инфекциядан жазылып шыққандар саны 110-ға жетті.
⠀
