Қарағанды облысы әкімінің орынбасары торт кесемін деп кеуде тұсынан пышақ жарақатын алды. Бұл туралы ол өзінің фейсбук парақшасында жазды, деп хабарлайды Elitar.kz.
Облыс әкімінің орынбасары Алмас Айдаров желідегі парақшасында аталған жағдайды криминал емес, тұрмыстық жарақат деп түсіндірді.
"Менде бәрі қалыпты. Әдеттегі тұрмыстық жарақат қой. Кешкісін байқаусызда кесіп алып, түнде қанталап тұрды. Таңды күтпей-ақ жедел жәрдеп шақыруыма тура келді. " - деп жазды ол әлеуметтік желіге.
Дәрігерлер
26 мамыр күні таңғы 5-те келген. Жарақат
абайсызда болған. Шенеунік оқиғаға
қатысты ешкімге айып тақпаған.
Қарағанды облысы басшысының орынбасары дәрігерлерге тортты кесіп жатқанда пышақ сырғып кетіп, тәнін жарақаттап алғанын айтқан. Ол дүйсенбі күні жұмысқа шығуы мүмкін.
Бұған дейін ол парақшасында досының егізді болғандығымен құттықтап, қуанышты күннен фотосурет жүктеген болатын.
