Оқиға кеше орын алған. 102 қызметіне хабарласқан белгісіз азамат "Таир" сауда үйін жарамыз деп айтқан.
Бұл хабарлама келіп түсе сала облыстық полиция департаментінің қызметкерлері шұғыл оқиға орнына жіберілді. Ғимараттағы 500-ге жуық адам қауіпсіз жерге көшіріліп, жедел алдын алу шарасы жүргізілді. Полицейлер мен сауда үйінің күзет қызметіндегілер бірлесе отырып 31 және 39 жастағы жергілікті екі тұрғынды ұстады. Айта кетейік, ұсталғанның екеуі де спирттік ішімдік ішіп алған. Масаң күйде полицейлерге хабарласқан олар сауда үйін жаратынын айтқаны анықталды. Бірақ олардан ешқандай жарылғыш зат табылмады.
Бұл жайт бойынша полицейлер ұсталғандардың үстінен ҚР ӘҚБК 438-бабы 1-бөлімі және 440-бабы 3-бөлімі бойынша әкімшілік хаттамалар түзілді.
