Жасөспірім қыздың ата-анасы өздігінен іздеу жұмыстарын жүргізуге тырысқан. Алайда еш нәтиже болмағандықтан полицияға шағым түсіріпті, деп хабарлайды Elitar.kz.
Түркістан облыстық Полиция департаментінің баспасөз қызметінің мәліметінше, тәртіп сақшылары іздестіру шараларына жедел кіріскен. Мобильдік топтар құрылып, ауыл аймақтардан іздестірген. Куәгерлердің айтуы бойынша, жоғалған қыз жақын маңдағы ауданға қарай кетіп бара жатқан таксиге мінген. Полицейлер жақын жердегі Темірлан ауылында іздеу шараларын жүргізді. Нәтижесінде кәмелет жасына толмаған қыз анасының танысының үйінен табылады. Оның табылғаны туралы бірден ата-анасына хабар беріліп, қыз аман-есен үйіне жеткізілді.
"Бүгінгі таңда тәртіп сақшылары жасөспірімнің жоғалып кеткені бойынша толық мән-жайды білу үшін тексеру амалдарын жүргізуде. Өз кезегінде перзентінің аман-есен табылғанына қуанған ата-анасы полиция қызметкерлеріне және ризашылығын білдірді" делінген ведомство хабарламасында.
Көрнекі фото: Sputniknews.kz
